Адна з самых частых птушак, якую можна ўбачыць на зімоўцы ў Беларусі - шэрая варона (Corvus corone cornix, рус - Серая ворона). Птушка лічыцца разумнай і кемлівай, у горадзе лёгка заўважыць як вароны вырашаюць даволі складаныя задачы з харчаваннем: скідываюць жалуды з вышыні каб раскалоць, адчыняюць металічныя кансервавыя банкі, развязваюць смеццевыя пакеты і шматлікае іншае.
Шэрая варона - усеядная, сілкуецца як рознымі казуркамі, так і адыходамі жыццядзейнасці чалавека. Таксама не грэбуе падаллю і паляваннем на дробных грызуноў, да таго ж можа руйнаваць гнёзды іншых птушак. Вонкава варону лёгка апазнаць: чорныя крылы, галава, шыя, хвост і дзюба, а брушка і спіна - шэрыя. Па памерах Corvus corone cornix у сярэднім не перавышае 25 сантыметраў.
У Беларусі шэрая варона выбрана птушкай 2024 года і на тое хапае прычын. Гэты від птушак сапраўды вылучаецца сярод вялізнага птушынага прадстаўніцтва сваімі незвычайнымі звычкамі.
Шэрыя вароны манагамныя, што цікава часта вяртаюцца на свае старыя гнёзды, якія дарэчы могуць будаваць з самых дзіўных матэрыялаў. Часта вароны збіваюцца ў зграі каб адганяць драпежнікаў ці папярэджваць пагрозу з боку чалавека. За шэрымі варонамі заўважалі вельмі незвычайны рытуал, калі гэтыя птушкі бачаць мёртвага суродзіча - то могуць падляцець да цела і як быццам вывучаюць прычыну смерці.
Што яшчэ незвычайна - шэрая варона запамінае ворагаў або чалавека які ёй пагражаў і нават здольная перадаваць гэтую інфармацыю іншым варонам.
У горадзе вы без праблемы зможаце адшукаць гэтую птушку, сустракаюцца паўсюдна.
