У прыгарадзе Камянца ёсць вёска Мікалаева, дзе захаваўся цікавы помнік драўлянай архітэктуры – царква святой Параскевы Пятніцы.. Гэты праваслаўны храм яшчэ на пад'ездзе выдзяляецца яркімі фарбамі. Дакладная дата будаўніцтва царквы невядомая, аднак большасць крыніц паказваюць другую палову 19 стагоддзя (не пазней за 1886 год).
Па форме царква ў Мікалаеве прамавугольная, дамінанта пабудовы – высокая шатровая трох'ярусная вежа-званіца.
Храм упрыгожаны разнымі карнізамі, арнаментамі і пілястрамі, сцены па традыцыі драўлянага дойлідства абабіты дошкамі.
Над асноўным аб'ёмам царквы - 5 цыбульных купалоў.
Свята Параскевінская царква дзеючая, знаходзіцца ў паўночнай частцы вёскі, ніжэй кропка з размяшчэннем на мапе.
Калі будзеце ў гэтых краях, то рэкамендую наведаць горад Высокае. Там часткова ацалеў замак Сапег і сядзіба-палац Патоцкіх, акрамя таго можна паглядзець старадаўні Траецкі касцёл 18 стагоддзя.
