Адной з славутасцяў старажытнага мястэчка Лыскава з'яўляецца драўляная царква Раства Багародзіцы, якую даволі часта называюць адным з найпрыгажэйшых праваслаўных храмаў у гэтым рэгіёне. Царкву пабудавалі да 1933 года па праекце Станіслава Пятроўскага ў закапанскім стылі архітэктуры. На момант узвядзення храма, Лыскава знаходзілася ў складзе Міжваеннай Польшчы і для будаўніцтва патрабавалася атрымаць дазвол, а таксама сабраць вялікую па тых часах суму - 40 тысяч злотых.
Акрамя ўнікальнай архітэктуры храму пашанцавала і з пункту гледжання адсутнасці ганенняў-разбурэнняў. Царкву не зачынялі ў пасляваенныя гады і з яе не рабілі розныя склады для ўгнаенняў і да т.п. Так напрыклад суседні касцёл Найсвяцейшага Сэрца разабралі на цэглу для ўзвядзення мясцовай школы.
Лыскоўская царква размяшчаецца ў самым цэнтры аграгарадка, ніжэй кропка з адзнакай на мапе:
У гэтых краях будзе таксама цікава паглядзець мемарыяльную калону ў Асошніках і наведаць гарадскі пасёлак Поразава (там ёсць старажытная сядзіба, касцёл, царква і былая сінагога).
