Галоўная Падарожжы Што паглядзець у Антверпэне?

Падарожжы

Што паглядзець у Антверпэне?

Ад

08.04.2024

Антвэрпэн - самы буйны горад Флямандзкага рэгіёну і другі па памерах ў Бельгіі. Вядомы як малая радзіма жывапісца Піцера Паўля Рубенса, сваёй жудаснай легендай пра волата Друоне Антыгоне які адрываў рукі, а таксама як цэнтр апрацоўкі алмазаў - "Дыяментавая сталіца". У Антверпэне вельмі спакойны і павольны рытм жыцця, тут даволі рана зачыняюцца ўсе крамы і рэстараны, людзі нікуды не спяшаюцца, а колькасць славутасцяў і цікавых месцаў прыемна радуе. У гэтым артыкуле разбярэмся што паглядзець у Антверпэне абавязкова за адзін ці два дні.

Галоўная турыстычная вуліца Антвэрпэна

Цэнтральная славутасць Антвэрпэна - масіўны сабор Маці Божай (Cathedral of Our Lady Antwerp). Менавіта гэты аб'ект трапляе ва ўсе ТОПы і спісы, скажу больш, нават калі вас не цікавіць архітэктура - гэты храм абавязкова варта ўбачыць.

Сабор выкананы ў архітэктуры позняй готыкі, яго пачалі будаваць яшчэ ў сярэдзіне 14 стагоддзі, але цікава, што афіцыйна скончыць будынак так і не змаглі.

Дамінанта храма - 123-метровая Паўночная вежа, добра бачная з усіх куткоў горада. Паўднёвая вежа планавалася такой жа па вышыні і стылі, але знайсці сродкі каб яе скончыць так і не здолелі.

За сваю доўгую гісторыю Антверпэнскі сабор перажыў мноства трагічных падзей і бедстваў: войны, пажары, разрабаванні і рэвалюцыі. Храм руйнавалі і зноў аднаўлялі, у канцы 18 стагоддзі адміністрацыя горада нават задумвалася здзейсніць грандыёзную памылку і знесці гэты помнік архітэктуры. Аднак з гадамі сабор стаў неад'емнай часткай горада і галоўнай кропкай прыцягнення для ўсіх турыстаў.

Трапіць унутр сабора Маці Божай можна на платнай аснове, уваходны квіток каштуе 12 еўра з чалавека. Працуе з 10 да 5 вечара па буднях, у выходныя графік працы скарачаецца на 2 гадзіны.

Паглядзець экскурсіі і забаўкі ў Антверпэне

Перад галоўным уваходам у храм звярніце ўвагу на наймілейшую скульптура хлопчыка Нэла і яго сабаку Патрашэ, накрытых брукам нібы коўдрай.

Што азначае гэтая скульптура? Ёсць даволі сумная легенда-гісторыя, паводле якой хлопчык сірата Нэла знайшоў пакалечанага сабаку Патрашэ, з якімі яны сталі лепшымі сябрамі. Перад сценамі сабора яны праводзілі доўгія дні і ночы ў чаканні магчымасці патрапіць унутр каб паглядзець на роспіс і дэкор. На жаль грошай на ўваходны квіток у сяброў не было і аднойчы, у марозны дзень, так і не трапіўшы ўнутр, хлопчык са сваім сабакам змерзлі ля сцен Антверпенскага сабора.

Прайшоўшы ад гэтай славутасці скрозь вузкую вулачку вы натыкнецеся на Рынкавы пляц, дзе знаходзяцца тыя самыя бельгійскія дамы з незлічоных фатаграфій і рэкламных буклетаў. У гэтай частцы Антверпэна канцэнтруецца ўсё турыстычнае жыццё горада - трэба міленькае кафэ, набыць сувенір ці з'есці бельгійскую вафлю? Тады вам абавязкова сюды.

У цэнтры плошчы размяшчаецца незвычайная скульптура-фантан Браба. На верхавіне кампазіцыі чалавек з адарванай рукой, які кідае яе ў ваду. Не палохайцеся, калі верыць легендзе (той якая пра крыважэрнага волата), то нават назва горада Антверпэн – утворана ад гэтага жудаснага працэсу (маецца на ўвазе, што пераклад з нідэрландскага “hand werpen” будзе якраз “кідаць руку”).

За фантанам яшчэ адна важная славутасць - Антверпэнская ратуша, пабудаваная ў 1564 годзе. Па архітэктуры гэты будынак адносіцца да стылю рэнесанс эпохі Адраджэння.

Прытрымліваючыся па вузкіх бельгійскіх вулачках можна патрапіць да дзіўнай пабудовы, якая знешне нагадвае крэпасць, але на самой справе – гэта былая ратуша Vleeshuis, а цяпер мясцовы музей.

Цікаўна, што на гэтым месцы шмат стагоддзяў запар былі мясныя шэрагі і гандлёвыя крамы, таму будынак часта называюць "Домам мясніка".

Падышоўшы бліжэй да набярэжнай адкрываецца від на сапраўдны сярэднявечны замак – Хэт Стэн (Het Steen), сёння тут размяшчаецца Антверпэнскі цэнтар турызму.

За 9 стагоддзяў сваёй гісторыі крэпасць неаднаразова перабудоўвалася, да таго ж доўгія гады выкарыстоўвалася як турма. У 19 стагоддзі былі знесены крапасныя муры, сам замак у той перыяд знаходзіўся ў зоне рызыкі і мог быць страчаны.

У 60-ыя гады, мінулага стагоддзі, перад уваходам у Хет Стэн усталявалі помнік волату - Доўгаму Вапэру (персанаж Антверпенскага фальклору). Па легендзе Доўгі Вапер палохаў мясцовых гараджан, асабліва надаючы ўвагу п'яніцам, прымушаючы іх хутчэй збегчы з гарадскіх вуліц па дамах. Па суседстве з замкам ёсць і сучасная славутасць - кола агляду. З яго можна зрабіць шыкоўныя здымкі сабора, а таксама паглядзець на горад з вышыні.

Прайшоўшы ўздоўж набярэжнай убачыце старадаўні асабняк Het Loodswezen, эклектычнай архітэктуры. Дом чымсьці нагадвае дэкарацыі для фільмаў жахаў, але насамрэч тут часцей праходзяць сучасныя выставы. За асабняком ёсць мемарыял Бельгійскім жаўнерам.

На суседнім скрыжаванні пачынаецца і сучасная частка горада Антверпэн, дзе ўвагу адразу прыцягвае незвычайны будынак музея MAS. Тут мноства розных экспазіцый і сезонных выставак, вядома прысутнічаюць залы прысвечаныя гісторыі горада.

Гуляючы па Антверпэне зважайце на дробязі, у горадзе хапае схаваных фігур і цікаўных формаў, якія здолеюць парадаваць эстэтыкай.

Безумоўная і магчыма галоўная славутасць Антверпэна - гэта шыкоўны будынак чыгуначнага вакзала.

Паглядзець яго трэба не толькі звонку, але і зазірнуць унутр - інтэр'еры па-сапраўднаму дзівяць, па сутнасці тут амаль бясплатны музей.

Акрамя таго, вакзал Антверпэна свайго асноўнага прызначэньня, перавозка пасажыраў, не страціў. Адсюль адпраўляюцца ўсе цягнікі як рэгіянальнага прызначэння (напрыклад можна лёгка з'ездзіць пагуляць у Гент ці Брусель), а таксама адправіцца ў суседнія краіны (Нідэрланды, Германія, Францыя).

Будзе цікава паглядзець і езуіцкі храм Карла Барамеа, які крыху прыхаваны ў закутках горада. Цікаўна, што барочная архітэктура не зусім тыповая для архітэктуры Бельгіі, таму касцёл адсылае нас хутчэй у Італію.

Кажучы пра храмы Антверпэна ў спіс варта дадаць і касцёл Святога Якава, які хоць і не такі прыкметны як сабор Маці Божай, затое ўражвае гатычнымі інтэр'ерамі.

Акрамя таго ў храме размяшчаецца капэла і надмагільная пліта вядомага жывапісца Рубенса Піцера Паўля з імем якога шмат звязана ў Антверпэне.

Калі вас цікавяць музеі Антверпэна, то адзін з лепшых варыянтаў для наведвання – Каралеўскі музей прыгожых мастацтваў. Тут сабрана вялізная калекцыя жывапісу, часта гэтую галерэю называюць адной з лепшых у Бельгіі.

А па дарозе да музея звярніце ўвагу на вось гэты незвычайны манумент. Гэтую славутасць рэдка ўключаюць у спісе абавязковых да прагляду, а дарма.

Антверпэн - дзіўная сумесь сучаснай і старой архітэктуры, якая ўдала гармануе. Калі задаваць пытанне чым заняцца турысту, то адна з лепшых рэкамендацый - гэта павольна прагуляцца па горадзе.

Акрамя асноўных і папулярных храмаў, у горадзе мноства малавядомых, але вартых увагі. Апісваць кожны не мае вялікага сэнсу - проста ўважліва глядзіце па баках і прыгожае будзе побач.