Аграгарадок з прыгожай і гучнай назвай Луна згадваецца ў летапісу яшчэ ў першай палове 15 стагоддзі. Гэтымі землямі ў розныя перыяды валодалі Крошынскія, Сапегі, Чэхаўскія, Ромеры, Друцкія-Любецкія і Крупінскія. Мабыць галоўная і найстарэйшая славутасць - касцёл Святой Ганны, будаўніцтва якога вялося на грошы апошняга караля Рэчы Паспалітай - Станіслава Аўгуста Панятоўскага.
Акрамя таго ў мястэчку Луна захавалася і прыгожая радавая забудова, прадстаўленая 1-2 павярховымі будынкамі з жоўтай цэглы.
Падобная радавая забудова сустракалася ў шталікіх мястэчках і гарадках Беларусі, але далёка не ўсюды захавалася. Раней у Луна пражывала вялікая габрэйская абшчына (каля 65% ад усяго насельніцтва), прадстаўнікі якой у асноўным і будавалі гэтыя сімпатычныя дамы.
У Луна было 3 сінагогі, але на жаль да нашых дзён яны не дайшлі. Напаміны пра яўрэйскае мінулае гэтага паселішча ўсё яшчэ сустракаюцца і цалкам не забыты.
На ўскрайку аграгарадка можна паглядзець на старажытныя габрэйскіі могілкі і адно хрысціянскае, на якім узвышаецца капліца Святога Роха.
Яшчэ адна славутасць - царква Святога Іаана Прадцечы, якая размяшчаецца ў самым цэнтры Луна.
Праваслаўны храм пабудаваны ў 1889 годзе па праекце Івана Трубнікава (ён дарэчы ў свой час займаўся рэканструкцыяй царквы ў Сынкавічах) у рэтраспектыўна-рускім стылі архітэктуры і з'яўляецца дамінантай аграгарадка.
Ніжэй кропка з размяшчэннем гэтай царквы на мапе:
Недалёка ад гэтых мясцін знаходзіцца вёска Воўпа, дзе ёсць магчымасць убачыць унікальны помнік драўлянага дойлідства - касцёл Святога Іаана Хрысціцеля.
