У гэтыя выхадныя (23 і 24 ліпеня) прайшоў ужо традыцыйны фэст гістарычнай рэканструкцыі і добрай музыкі “Наш Грунвальд” 2022. Фэст праходзіў на сваёй класічнай лакацыі - тэрыторыі музейнага комплексу "Дудуткі". Яе асноўная частка - аднаўленне найбуйнейшай бітвы сярэднявечнай Еўропы - Грунвальдскай бітвы (15 ліпеня 1410 года).
Ужо на пад’ездзе да Дудуткаў стала зразумела, што сёлетні фестываль збярэ сваіх гледачоў. Большая частка парковачных месцаў была занятая да 15:00 і, хутчэй за ўсё, да пачатку рэканструкцыі бою шчыльнасць людзей дасягнула кульмінацыі.
У суботу прайшлі бугурты і рыцарскі турнір, які яшчэ да пачатку рэканструкцыі знясіліў усіх удзельнікаў, якім давялося па-сапраўднаму памучыцца ў 30-градусную спёку.
Гледачы, плаўна перамяшчаючыся паміж ценем дрэў і лаўкамі з медавухай, стараліся падтрымаць удзельнікаў баталій.
Выконваючы таймінг, у 16:30, пачалася рэканструкцыя эпізоду Грунвальдскай бітвы. Сёлета пайшлі не зусім стандартным шляхам і вырашылі не прытрымлівацца гістарычнага выніку, а даць рэканструктарам самім вызначыць пераможцаў. (Як памятаеце ў рэальнасці саюзнікі Каралеўства Польскага і ВКЛ перамаглі над войскам Тэўтонскага ордэна).
Пра пачатак бітвы абвясцілі залпы гармат і, згодна з планам ваяры аб'яднанага войска пачалі штурм імправізаванай крэпасці, якую ўтрымлівалі тэўтонскія рыцары.
Па заканчэнні штурму вядучы абвясціў аб завяршэнні гэтай часткі фестывалю, але самыя зацятыя ваяры працягнулі невялічкія спаборніцтва ў фармаце 3*3 і 1*1, аж да пачатку музычнай часткі.
Пір пасля Бітвы пачаўся з гурта "Хмельны Вір" і выступленні "Небула", пасля чаго гледачы з галавой акунуліся ў музыку і былі гатовыя аддацца танцам і весялосці. Група KAS гралі сваі правераныя хіты: “Музей валуноў”, “Мужыкі”, “Піва” і канешне “Ровар”.
Пакуль гурт Рокаш наладжваўся, на пляцоўцы праходзіла выступленне клуба “Шатландская пяхота“. Музычны пік, на мой погляд, прыпаў на выступ “Pawa“, якія адыгралі як упэўнены хэдлайнер.
Пад рытмы і гукі добра знаёмых трэкаў час праляцеў так хутка, што нават толкам не паспеў зрабіць здымкаў.
Далей надышла чарга містычнага фолк-фэнтэзі гурта з Варонежа - "Зямля Легенд".
Перад выхадам хэдлайнераў на галоўную сцэну фестывалю «Наш Грунвальд» гледачоў забаўлялі фаер-шоу.
Судзячы па апытанні, якое праводзілі арганізатары фэсту, амаль палова гледачоў чакалі менавіта калектыва – “Эпідэмія“. Некалькі гадоў таму гэты паўэр-мэтал гурт з Расеі ўжо выступаў на «Наш Грунвальд», так што выбар можна назваць правераным.
Закрыў “Пір пасля бітвы” Ян Жанчак.
Так завяршыўся першы дзень фестывалю «Наш Грунвальд 2022» у Дудутках. На наступную раніцу для самых стойкіх прайшоў конны турнір і афіцыйнае закрыццё фэсту.
Невялічкае відэа